Reformasiaktual.com//Da Nang, Vietnam – 4 Juli 2025 – Dua sakola asal Indonesia, nyaéta SMPN 43 Bandung ti Jawa Barat jeung SDN Papela ti Rote, Nusa Tenggara Timur, hasil ngarebut gelar jawara dina ajang AIA Healthiest Schools (AHS) tingkat régional Asia Pasifik, nu dilaksanakeun di Da Nang, Vietnam dina tanggal 2 nepi ka 4 Juli 2025.
Kompetisi ieu diselenggarakeun ku AIA Group, hiji pausahaan asuransi internasional nu puseurna di Hongkong, gawé bareng jeung Kementerian Pendidikan, Kebudayaan, Riset jeung Téknologi (Kemendikbudristek) RI pikeun milih sakola-sakola nu nyongcolang dina nyalagarakeun program sakola séhat.
Dina kompetisi éta, SMPN 43 Bandung meunangkeun kategori Mental Wellbeing (Karaharjaan Mental) ngaliwatan rupa-rupa program nu diayakeun di sakolana, saperti:
Tadarus Al-Qur’an, shalat Duha
ESQ (Emotional Spiritual Quotient)
Gemari (Gerakan Magrib Mengaji Daring)
Roots (gerakan anti perundungan)
Aplikasi BEJAKEUN, pikeun ngalaporkeun kasus bullying
Samentawis éta, SDN Papela ti Rote meunangkeun Juara Regional Asia Pasifik pikeun tingkat SD. Duanana sakola asal Indonesia ieu saméméhna geus nyangking juara kahiji tingkat nasional dina tanggal 30 Méi 2025 di Jakarta. Hadiah pikeun juara nasional nya éta $15.000 USD keur fasilitas sakola, sarta meunang kasempetan pikeun ngawakilan Indonesia di ajang régional.
Perjalanan tim Indonesia dimimitian ti Bandara Soekarno-Hatta ka Ho Chi Minh City, tuluy diteruskeun ka Da Nang. Rombongan nu indit ka Vietnam diantarana ti dua sakola juara, wakil AIA Indonesia, jeung wartawan nasional. Sadayana biaya ditanggung ku AIA, kaasup tiket, hotél, jeung uang saku.
Acara puncak penganugerahan AHS Regional Awarding lumangsung dina peuting tanggal 4 Juli. Sateuacanna para pamilon ogé ngiluan workshop, sharing program unggulan sakola sehat ti unggal nagara, sarta mapay pantai Da Nang nu éndah.
Kameunangan ieu jadi bukti yén sakola-sakola di Indonesia geus bisa bersaing di tingkat internasional, utamana dina ngajalankeun program nu nyorot kana kaséhatan mental, kabiasaan hirup séhat, jeung lingkungan sakola nu nyokong karaharjaan muridna.
